Хотугу пуорумҥа Финляндияттан, Канадаттан, Архангельскайтан, Ямало-Ненецкэй уокуруктан, Санкт-Петербургтан уо.д.а. эрэгтйтэннэртэн спикердэр онлайн киэбинэн, талааннаах ыччаты арыйыы, киһи хапытаалын тула сэргэх кэпсэтии таҕыста.
edersaas.ru
«Хоту сир, Арктика эдэр талааннара» сессия кыттыылаахтара сүрүннээн Арктика, Хоту сир территориятыгар олорор оҕону, ыччаты сайыннарар бырагыраамаларга, тэрээһиннэргэ тохтоон аастылар.
Сессияны иилээн-саҕалаан Ыччат миниистирин бастакы солбуйааччы Александр Сусоев ыытта.
“Киһи хапытаала – дойду көмүс саппааһа” диэн тыллартан пуорум үлэтин саҕалаата.
Билигин дойду экэниэмикэтигэр аҥардас үп-харчы, бырамыысыланнас, атыы-эргиэн уо.д.а. тутаах салаалар эрэ буолбакка, киһи хапытаала инники күөҥҥэ тахсар.
Тэрээһин түмүгэр бүтүн Аан дойдутааҕы онлайн үөрэхтээһини, кыһыҥҥы Арктическай оскуоланы тэрийии курдук инникилээх бырайыактары олоххо киллэрэгэ олук уурулунна.
Итиэннэ Саха Өрөспүүбүлүкэтин көҕүлээһининэн Интэриниэт ситимигэр талааннаах оҕолор порталлара оҥоһулла сылдьар.
Санатар буоллахха, Хотугу Пуоруму Саха Өрөспүүбүлүкэтин бырабыыталыстыбата, «Хотугу пуорум» норуоттар икки ардыларынааҕы тэрилтэ уонна М.К. Аммосов аатынан Хотугулуу-Илиҥҥи федеральнай университет көҕүлээн ыыталлар.
Пуорум балаҕан ыйын 27 – 30 күннэригэр ыытыллар.
Ирина Ханды, “Саха сирэ” хаһыат, edersaas.ru
Хаартыска: Интэриниэт ситимиттэн