Маны аах Уопсастыба

Ааҕааччы ыйытар

Күндү ааҕааччыларбыт!  Күннээҕи түбүктэн быыс булан ыйытыыларгытын ыытаргыт иһин махтанабыт. Кыстыкка  киирии, дьаҥ-дьаһах эҥин курдук күннээҕи түбүктэри сэргэ араас кыһалҕалар, мунаарар ыйытыыларгыт элбэхтэрэ чахчы. Төһө кыалларынан онно хоруйдары таһаарарга кыһанабыт. 

 

Хантан ылабыный?

— 2020 сыллааҕы нолуокпун төлүүрбэр наадалаах нолуок иһитиннэриитин (уведомление) “Личный кабинет налогоплательщика физического лица”  диэнтэн хайдах булуохха сөбүй?

Т. Семенова.

 

Хоруйдуур Нолуок федеральнай сулууспатын Саха сиринээҕи салалтатын судаарыстыбаннай  өҥөлөргө отделын сүрүн иниспиэктэрэ Елена Слепцова:

— 2020 сыллааҕы баай-дуол нолуогун төлүүр туһунан нолуок биллэриитин “Личный кабинет налогоплательщика физического лица” сервис “Иһитиннэрии” салаатыттан ылан бэчээттиэххэ сөп. Нолуоктары төлөөһүн бэчээттэммит нолуок кумааҕытыгар (биллэриитигэр) олоҕуран баан ситимин нөҥүө оҥоһуллар. Ону сэргэ нолуоктары QR-код көмөтүнэн баан мобильнай сыһыарыытынан эбэтэр нолуок биллэриитигэр ыйыллыбыт төлөбүрү ааҕыы уникальнай идентификаторын нөҥүө.

Санатан эттэххэ, 2020 сыллааҕы баай-дуол нолуогун төлүүр болдьох 2021 сыл ахсынньы 1 күнүттэн хойутуо суохтаах.

 

Хайдах холбонуохха сөбүй?

 

— “Личный кабинет налогоплательщика физического лица” интэриниэт-сервискэ хайдах холбонуохха сөбүй?

 

Эмиэ Елена Слепцова хоруйдаата:

— “Личный кабинет налогоплательщика физического лица” интэриниэт-сервискэ киирии “Налоги ФЛ” сыһыарыыга онлайн эбэтэр Арассыыйа Федеральнай Нолуок сулууспатын www.nalog.gov.ru саайтыгар оҥоһуллар:

— ИНН көмөтүнэн эбэтэр ханнык баҕарар нолуок уорганыгар пааспары көрдөрөн, сайабылыанньа суруйан регистрационнай каарта паролун көмөтүнэн; Госөҥө учуоттуур суругун онлайн бигэргэтиэххэ сөп – “Сбербаан”, “ВТБ”, “Тинькофф”, “Почта Банк” бааннар мобильнай сыһыарыыларынан;  Госөҥө порталыгар бигэргэммит учуоттуур сурук көмөтүнэн.

 

Бэчээккэ бэлэмнээтэ Женни Стрюкова, «Саха сирэ» хаһыат, edersaas.ru

Хаартыска: dezhur.com ылылынна

0
0