Тымныы туһунан ааҕааччы туох санаалааҕый? Манна ааҕыҥ.
Быйыл бытарҕан тымныылар түстүлэр. Күн аайы кыраадыһынньык ханна хаһы көрдөрбүтүн айдаана. Дьиҥэ, тымныы дойдуга олордохпут дии. Онон олохпут-дьаһахпыт, таҥаспыт-саппыт эҥин онно сөп түбэһиэхтээх.
Бу күннэргэ батсаабынан биир таксыыс чараастык таҥнан сылдьар ыччаты мөҕөрө-этэрэ тахсыбыта. Мин ону кытта сөпсөһөбүн. Олох сөпкө этэр. Билигин онооҕор куорат иһигэр оптуобуска киирдэххэ чап-чараас кроссовканан сылдьааччы элбэх. Түүлээх атах таҥаһын сыаната ыараханыттан да буолуоҕа, баҕар. Сорохтор муоданы да эккирэтээхтииллэрэ буолуо. Туох билиэй?
Билигин куорат салалтата өссө эбии саҥа сылаас тохтобуллары тутуоҕа дииллэр. Оннук гынналлар, абырыа этилэр. Оптуобус эрэ барыта «4» №-дээх оптуобус курдук чаастатык сылдьыбатын билэҕит. Оптуобус кэтээн, таһырдьа туруу сыанан аҕаабат. Ычча-ычча! Уонна тоҕо да сүһүөх ыарыһах элбиэ суоҕай. Онон сылаас тохтобуллары элбэтэри ааһан, бары тохтобулларга туруоруохха. Биһиги дойдубут тыйыс, мутук тостор тымныытын этэҥҥэ туоруур туһугар бары кыһаныаҕыҥ.
Ааспыкка маҕаһыыҥҥа “Кочегар Петя” диэн ааттаах дьэрэкээн суулаах сакалааты көрөн, быйыл, дьэ, тыа сиригэр хачыгаардары сыаналыыллар ини диэн санаан ылбытым.
К.Семенов
Бэлэмнээтэ Женни Стрюкова
Хаартыска: интэриниэттэн