Улуу Сергей Зверев-Кыыл Уола орто туруу дойду олоҕун дьоллоох оһуорун Алгыс бэлиэтинэн тиспит тоҕус мэҥэ хамсаныытын Сунтаар улууһун делегацията көрдөрдө.
Бу кэнниттэн Кэбээйиттэн Мария Обутова «Деревенька моя», Бүлүүттэн Мария Васильева » Виновата ли я?», Антонина Сивцева » Старый клен» нууччалыы ырыалары толорон дохсун ытыс тыаһынан биһирэннилэр.Сахабыт норуотун төрүт культуратын көрдөрөр хомус тохтор тойугун түһэрбит Дария Андреева, хомоҕой тыллаах чабырҕаҕы Марианна Матвеева, Аграфена Турнина чахчы да табыллан көрдөрдүлэр.Саха норуодунай суруйааччыта А.И.Софронов- Алампа » Төрөөбүт дойдум» хоһоонун аҕам саастаах Анна Турантаева турукка киирэн аахпытын көрөөччү үөрүүнэн ылынна.
«Ай- тыын» бөлөх толоруутугар саламалаах үҥкүү, дуэттар » Сааскы вальс», «Ньурба вальса», Зинаида Шамсутдинова » Чэмэлиинэ», Саргылаана Борисова » Күөрэгэй», Ирина Васильева » Дьол амтана», Мария Яковлева » Чараҥ вальса», Анна Обоюкина » Доҕотторбор», маны сэргэ Чурапчыттан эр дьон ансамбла » Оо, мин дойдум Чурапчы», Кэбээйи улууһун делегацията «Кэбээйи», Таатта улууһун делегацията » Таатта үрэх үрдүгэр» көрөөччүлэр дохсун ытыс тыаһынан биһирэбиллэрин ыллылар. Концерт «Якутяночка» ырыанан түмүктэннэ уонна Саха сирин сынньанааччыларын ааттарыттан улуустартан, нэһилиэктэртэн «Тараскуль» санаторий маҥан халааттаах аанньалларыгар, санаторий бары салаатын үлэһиттэригэр дириҥ махтал тылларын тиэртилэр, сэмэй бэлэхтэри туттардылар уонна Геннадий Семенов «Урааҥхайдар» ырыатынан көрөөччүлэри кытта оһуохай үҥкүүтүн толордулар.Өссө төгүл республикабыт салалтатыгар сынньанааччылар ааттарыттан Барҕа Махтал тылларын тиэрдэбит.
«Дабаан» хаһыат