Айылҕа харыстабыла Сүрүн

Аҕыс ойуур баһаара умуруорулунна

Кэнники хонукка аҕыс ойуур баһаара умуруорулунна.

Авиалесоохрана иһитиннэриитинэн, өрөспүүбүлүкэ сиригэр-уотугар 10 ойуур баһаара баара бэлиэтэнэр. Биир суукка устатыгар аҕыс ойуур баһаара умуруоруллубут. Уот сиэбит сирин уопсай иэнэ 117 324 гектар. Саҥа баһаар бэлиэтэммэтэх. Нэһилиэнньэлээх пууннарга чугаһаабыт уонна суоһуур уот суох диэн ЫБММ Саха сиринээҕи сүрүн управлениетын пресс-сулууспата иһитиннэрэр.
«Нэһилиэнньэлээх пууннары ойуур уотуттан көмүскүүр бары тэрээһиннэр толорулуннулар, нэһилиэнньэлээх пууннарга уонна экэниэмикэ эбийиэктэригэр куттал суоһаабат. Үөһээттэн кэтээн көрүүгэ хонук устатыгар ыксаллаах быһыыны-майгыны сэрэтэргэ уонна туоратарга биир кэлим судаарыстыбаннай систиэмэ (РСЧС) үс көтөр аала үлэлээтэ. Бүгүн үс салгын аала үлэни салгыыллар. РФ ЫБММ Хабаровскайдааҕы авиационнай-быыһыыр киинин Ми-8 бөртөлүөтэ Дьокуускайга бэлэм турар», — диэн РФ ЫБММ  Саха сиринээҕи сүрүн управлениетын начаалынньыга Павел Гарин эттэ.
0
0