Аһымалар социальнай хантараагынан туһаналлар

Бөлөххө киир:

Горнай улууһун Кировскай нэһилиэгин олохтооҕо Кириллов Василий Валерианович быйыл социальнай хантараагынан индивидуальнай предприниматель буоларга тус сыаллаах көмөнү ылбыта.

Бу туһунан  Кировскай нэһилиэгин дьаһалтата иһитиннэрдэ. Ол курдук Василий 250000 солкуобай суумалаах көмөнү ылан, маһынан уһанарга аналлаах араас станоктары, инструменнары ылыммыта.


Кини бэйэтэ айылҕаттан талааннаах мас ууһа. Аһымаҕа  элбэх дьиэни тутуспута.
Быйыл сайын Бэрдьигэстээххэ дьиэ тутуутугар үлэлээтэ. Саҥа уһанар тэриллэри ылынан, дьиэ тас-ис тутуутун, оҥоруутун барытын бэйэтин күүһүнэн толору оҥорор кыахтанна. Сатабылын уолаттарыгар иҥэрэн, уола Вася кинини кытта тэҥҥэ үлэлэһэр.
Социальнай хантараак  көмөтө кыра дохуоттаах дьон бэйэлэрин дьыалаларын арыналларыгар кыаҕы биэрэрэ хайҕаллаах диэн Кировскай дьаһалтатын инстаграмыгар суруйдулар.

edersaas.ru

+1
0
+1
0
+1
0
+1
0
+1
0
+1
0
+1
0