Бу күннэргэ Горнай улууһун Орто Сурт нэһилиэгэр «Үтүө дьулуур» сылынан үтүө үгэскэ кубулуйбут «Муус ылыыта» диэн аахсыйа ыытылынна.
edersaas.ru
Манна С.И. Тимофеев-Кустуктаанап аатынан оскуола, «Кустук» оҕо уһуйаана, олохтоох дьаһалта, сынньалаҥ киинэ, «Мэдирос» эдэр ыччаттар түмсүүлэрэ олус көхтөөх кыттыыны ыллылар.
Уопсайа 8 бырысыап мууһу ыллылар. Аһымал аахсыйа кыттыылаахтара олус тахсыылаахтык үлэлээтилэр.
Мууспутун нэһилиэкпит кырдьаҕастарыгар, инбэлииттэригэр, соҕотоҕун олорор кыаммат дьоҥҥо түҥэттибит.
«Аартык» Аҕа түмсүүтүн салайааччыта Аркадий Васильев бэйэтин тыраахтарынан сылдьан ыалларга тиэйэн, дьон махталын ылыан ылла.
Бу курдук олохтоох дьаһалта бары көҕүлээһиннэрин өйүүр аһымал аахсыйаҕа кыттар үтүө санаалаах биир дойдулаахтарбытыгар барҕа махталбытын тиэрдэбит.
Анастасия МАКСИМОВА,
Орто Сурт нэһилиэгэ, Горнай улууһа. «Саха сирэ» хаһыат, edersaas.ru
Ааптар хаартыскаҕа түһэриитэ.