“Аллараа Бэстээх” ыстаансыйатыгар кулун тутар 10 күнүттэн аһы-үөлү тиэммит 700-тэн тахса богуон кэлбитэ бэлиэтэнэр.
Кулун тутар 10 күнүттэн муус устар 15 күнүгэр диэри 1246 богуону сүөкээбиттэр. Ол иһигэр аһы-үөлү тиэммит 725 богуон баара ыйыллар. Бу туһунан СӨ Предпринимательство, атыы уонна туризм миниистирин солбуйааччы Максим Прокопьев иһитиннэрэн турар.
Сыл саҕаланыаҕыттан “Беркакит-Томмот-Дьокуускай” тимир суолунан 2,6 мөл.туоннаҕа чугаһыыр таһаҕас аҕалыллыбыт, ол иһигэр 757 тыһ.туонна дьон-сэргэ туттар табаара.
—Сыл саҕаланыаҕыттан Аллараа Бэстээх ыстаансыйатыгар диэри тиэрдии 471 тыһ.тн. тэҥнэспит, — диэн миниистири солбуйааччы этэн туран, ити былырыыҥҥыттан үрдүк көрдөрүү буоларын ыйар уонна тырааныспар хампаанньатыгар нэһилиэнньэҕэ табаары сөптөөх кэмигэр аҕалыы иһин махтанар.
Хаартыска СИА