СӨ Ил Дархана Айсен Николаев аҕам саастаахтары бу коронавирус курдук кутталлаах ыарыыттан харыстыыр туһуттан ыйаахха илии баттаабыта. Бүгүҥҥү брифиҥҥэ ити туһунан бэлиэтээн ааста.
—Куорат олоҕо тэтимнээх, кэлии-барыы элбэх. Оттон коронавирус аҕам саастаах дьоҥҥо олус кутталлаах, охсуута улахан. Ол иһин, кинилэри харыстаан, итинник быһаарыыны ылыммыппын өйдүөххүт диэн эрэнэбин, — диэтэ.
Дьокуускайга, Жатайга олорор 65 үөһээ саастаах дьону харантыын түмүктэниэр диэри кэлэллэрин-баралларын тохтотоллоругар, бэйэлэрин хааччахтанан дьиэлэригэр олороллоругар эттэ. Ону сэргэ, кинилэр оҕолоро, чугас дьонноро, аймахтара болҕомтолоох буолалларыгар ыҥырда. Кырдьаҕастарыгар эмтэрин-томторун, астарын-үөллэрин, ол-бу наадалаахтарын атыылаһан көмөлөһөллөрүгэр, өйөбүл буолалларыгар эттэ.
Хаартыска: интэриниэт
+1
+1
+1
+1
+1
+1
+1