65-тэн аҕам саастаахтар уонна хроническай ыарыылаах дьон от ыйын 14 күнүгэр диэри дьиэҕэ олоруохтаахтар. Сааһырбыт дьон үксүгэр өр кэмҥэ олохсуйбут ыарыылаах, мөлтөх иммунитеттаах буолаллар. Ол иһин коронавирус кинилэргэ ыараханнык киирэр.
edersaas.ru
Билигин да ыарыыга сыстыһар куттал ааста диэн этэр эрдэ. Онон бары нэһилиэнньэлээх пууннарга (суола-ииһэ суох, ыраах дэриэбинэлэртэн ураты) маасканы, бэрчээккини кэтэр эрэсиим хаалар. Төһө да атыы-эргиэн дьиэлэрэ, тэрилтэлэр арыллан, уопсастыбаннай тырааныспар сырыыта көҥүллэннэр, бэйэни харыстаныахха, дьон мустар сиригэр сылдьыбат буола сатыахха наада.
Ону тэҥэ, 65 саастарын ааспыт үлэлиир биэнсийэлээхтэр харантыын кэмигэр ыалдьыбатах да буоллахтарына, «больничнайга» барар кыахтаахтар. Бу кинилэр доруобуйаларын харыстыыр, дьиэҕэ олороллорун ситиһэр туһугар ылыллыбыт миэрэ от ыйын 14 күнүгэр диэри уһатылынна.
Тэрилтэлэр үлэһиттэрин, кыаллар буоллаҕына, дьиэҕэ олордон үлэлэтэр эрэсиимнэрин уһаталларыгар сүбэлээтилэр.
Маннык уустук кэмҥэ кырдьаҕас төрөппүттэргитин, эбэлэргитин, эһэлэргитин хараххыт харатын курдук харыстааҥ, кинилэргэ кэлимэҥ-барымаҥ, төһө кыалларынан, сиэннэри сырытыннарымаҥ. Тоҕо диэтэххэ, аҕам саастаах дьон коронавируһу хайдах аһарыахтарын ким да билбэт.
Ангелина Васильева, “Саха сирэ” хаһыат, edersaas.ru
Хаартыска: Sakhagov.ru
+1
+1
+1
+1
+1
+1
+1