Доруобуйа Сүрүн

Аҕам саастаах дьоҥҥо быһыыны дьиэлэригэр биэрэллэр

Доруобуйа харыстабылын миниистирин э.т. Лена Афанасьева вакцинация хаамыытын туһунан кэпсээтэ. Ол курдук, 60 саастарын ааспыт дьоҥҥо сайаапканан быһыыны олорор сирдэригэр тиийэн биэрэр буолбуттар.

— 60 саастарын ааспыт 85 129 киһи быһыыны ылла, ол кинилэр ахсааннарыттан 60%-ны ылар. Бүгүҥҥү күҥҥэ вакцинация – ыарыыттан харыстыыр көдьүүстээх миэрэ уонна чэпчэкитик аһардарга көмөлөһөр ньыма буолар. Билигин 140 киһи ыарахан туруктаах, кинилэртэн 37 киһи ИВЛ аппараатыгар сытар. Кинилэр бары кэриэтэ быһыыны ылбатах аҕам саастаах дьон, — диэн кини эттэ.

Кэнники күннэргэ быһыыны ылыы тэтимэ улаатта. Сэтинньи 15 күнүнээҕи туругунан, барыта 534 тыһыынча дуоза быһыы кэлэн турар. Быһыы бастакы укуолун 439 507 киһи (улахан дьон 61,3%-ра) ылбыта. Оттон 43 796 киһи алта ый буолан баран, хос быһыыны ылла.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

0
0
Telegram @edersaas20