Коронавирус дьаҥыттан-дьаһаҕыттан дьон-сэргэ хаайтаран, хааччахтанан олорбот. Интэриниэтинэн, суотабайынан сибээс сайдыбыт үйэтигэр күрэс арааһын толкуйдууллара кэрэхсэнэр.
Таатта улууһун Дьохсоҕон нэһилиэгин М.А.Петров аатынан бибилэтиэкэтэ инстаграм нөҥүө «Аҕам, эһэм уонна мин» хаартысканан күрэһи тэрийэр. Күөн күрэс Саха өрөспүүбүлүкэтигэр Аҕа дэкээдэтин чэрчитинэн ыытыллар.
Куонкуруһу сэҥээрбиттэр хаартыскалары муус устар 5 күнүттэн 10 күнүгэр диэри ыытаҕыт.
Сыала-соруга:
—Аҕа, оҕо уонна эһэ сыһыанын киэҥ эйгэҕэ таһаарыы, үтүө холобур оҥоруу.
—Дьиэ кэргэҥҥэ аҕа, эһэ суолталарын өрө тутуу.
—Аҕа оҕотун, эһэ сиэнин кытары сөбүлүүр дьарыктарын дьоҥҥо-сэргэҕэ билиһиннэрии, сырдатыы.
Ирдэбилэ:
—Аҕа оҕотун, эһэ сиэнин кытары бииргэ сөбүлүүр дьарыктарын дьикти кэрэ, бэлиэ өйдөбүнньүк хаартыскалара буолуохтаах. Холобур, булт, уһаныы, успуорт, үлэ-хамнас түгэннэрэ, о.д.а.
Хаартысканы муус устар 5-10 күннэригэр диэри ватсабынан 89991740782 нүөмэргэ ыытаҕыт. Толору ааккытын, улуускутун, нэһилиэккитин, төлөпүөҥҥүтүн суруйаҕыт. Хаартыска тиэмэтигэр сөп түбэһэр ааттаах буолара ирдэнэр.
Куоластааччылар biblioteka_iohsogon_taatta диэн инстаграм страницаҕа подпискаланаҕыт уонна куоластыыгыт.
Сыаналааһын:
—Хаартыскалар бибилэтиэкэ инста-сирэйигэр киллэриллэллэр. Онно сөбүлээбит хаартыскаҕытыгар куоластыыгыт.
— Элбэх куолаһы (лайк) хомуйбут кыттааччы кыайыылаах аатын ылар.
Кыайыылаахтары наҕараадалааһын :
—«Аҕам, эһэм уонна мин» күрэхтэһии кыайыылааҕынан тахсыбыт дьиэ кэргэҥҥэ диплом уонна бириис туттарыллар.
—Ону сэргэ, икки анал аат баар буолуоҕа.
— Куоластааһын хаартыска туруорулунна да саҕаланар.
Күндү бар дьоммут! Дьиэ кэргэн дурда-хахха буолар дьоннорун: аҕаҕытын, эһэҕитин уонна күн курдук күндү оҕолоргут, сиэннэргит бииргэ көмөлөөн оҥорор үлэлэрин, дьарыктарын көрдөрөргө, сырдатарга кыһаллыҥ.
Николай Рязанскай уруһуйа.