Арассыыйаҕа 65 саастарын ааспыт дьону дьиэҕэ олордон үлэлэтэр ирдэбил тохтоон, муус устар 1 күнүттэн сүбэлиир эрэ хайысхалаах буолуо. Ол туһунан премьер-миниистир Михал Мишустин тустаах докумуоҥҥа илии баттаата.
Ону тэҥэ, пандемия кэмигэр 65 саастарын ааспыт дьоҥҥо электроннай “больничнайдары” оҥорор туһунан уураахтар көтүлүннүлэр. Онон аҕам саастаах дьону үлэлэтэргэ тэйиччиттэн үлэлиир туһунан сокуоҥҥа олоҕурарга сүбэлииллэр.
Бу иннинэ, 2020 сыл сайыныгар, 65 саастарын туолбут, үлэлиир дьоҥҥо электроннай “больничнай” оҥорон, дьиэҕэ олордор уонна босуобуйа төлүүр туһунан РФ бырабыыталыстыбатын уурааҕа тахсыбыта.
Ангелина Васильева, “Саха сирэ” хаһыат, edersaas.ru
Хаартыска: sakha.gov.ru
+1
+1
+1
+1
+1
+1
+1