Өрөспүүбүлүкэтээҕи үгүс тэрээһиннэри сырдатар суруналыыс буоларым быһыытынан, суолталаах тэрээһин хаамыытын ымпыгар-чымпыгар тиийэ үөрэтэ сылдьабын.
Хас хардыы аайы диэххэ сөп. Бу тухары испэр сылаҥнары хайгыыртан соло булбаппын. Дьэ, тэрийэр да буолаллар эбит, доҕоттор!
Улуус дьаһалтатын социальнай коммуникацияларга отделын үлэһиттэрэ бэҕэһээҥҥиттэн сылаҥнарга өйөбүл буола сылдьаллар.
Эппиэттээх үлэһит Татьяна Бушкованы тэрээһин бары былааһаккатыгар сылдьарын уонна барытын кэмигэр сөптөөхтүк быһаарарын бэлиэтии көрдүм, сөхтүм. Тэрийээччилэр суудьуйалары, волонтердары, Үлэ уонна социальнай сайдыы министиэристибэ үлэһиттэрин босхо аһатан, үлэлэрин биллэ чэпчэттилэр. Дьон сүүрэн кэлэн аһыы охсоот, үлэлии сүүрэллэр. Онон бу өттүгэр эмиэ күүстээх тэрээһин баара көстөр.
Елена ПОТОЦКАЯ,
Чурапчы, Сылаҥ.