Билигин e-yakutia.ru судаарыстыбаннай өҥө порталыгар регистрацията суох киһи электроннай ньыманан сатаан тиис бырааһыгар, атын да эмчиттэргэ кыайан суруттарбат. Онон ордук биэнсийэҕэ олорор саастаах дьон көмпүүтэри, аныгы смартфону баһылыахтарын наада. Аттыгар тустаах саайтка киллэрэн биэрэр оҕоҥ, сиэниҥ суох түгэнигэр дьэ, ыксал саҕаланар.
edersaas.ru
Ол иһин СӨ Инновация, цифровой сайдыы уонна инфокоммуникационнай технология министиэристибэтэ ХИФУ кыһатын кытта быйыл нэһилиэнньэҕэ анал курс тэрийэн, көмпүүтэргэ үлэлииргэ босхо үөрэттилэр. 182 аҕа саастаах дьон күннээҕи олохторугар электроннай өҥөлөрү сатаан туттарга, дьиэҕэ олорон бырааска суруттарарга, ОДьКХ төлөбүрүн ыытарга үөрэннилэр. Электроннай сурук суруйарга, ыытарга, gosuslugi.ru уонна е-yakutia.ru порталга киирэн, наадалаахтарын булан ыларга, аныгы цифровой технологиянан туһанарга эрчилиннилэр.
Күн бүгүн эрэгийиэннээҕи е-yakutia.ru порталга киирэн, сүүстэн тахса судаарыстыбаннай уонна муниципальнай өҥөнөн туһаныахха сөп.
Марианна Тыртыкова, «Саха сирэ», edersaas.ru
+1
+1
+1
+1
+1
+1
+1