Ыам ыйын 8 күнүгэр Дьокуускай куоракка Аҕа дойду сэриитин кыттыылаахтарыгар аналлаах кэнсиэртэр олорор дьиэлэрин тастарыгар, олбуор иһигэр ыытылынна.
edersaas.ru
Кинилэр олорор дьиэлэрин тиэргэнигэр муусукалаах, диктордаах, артыыстардаах, волонтердардаах массыына, оптуобус кэлэн, босхо кэнсиэр көрдөрдүлэр. Киһи сүргэтин көтөҕөр байыаннай ырыалар, сэрии кэмин саҕанааҕы үҥкүүлэр, ыам ыйынааҕы намыын вальстар, патриотическай хоһооннор, о.д.а. толорулуннулар. Ону элбэх кыбартыыралаах дьиэлэр олохтоохторо бары түннүктэртэн, болкуоннартан көрөн, бырааһынньыктааҕы настарыанньаларын көтөхтүлэр.
Ыам ыйын 8 күнүгэр күнүс 12 чаастан саҕалаан, аахсыйа кыттыылаахтара 21 дьиэ тиэргэнигэр кэнсиэртээтилэр.
Кэнсиэртэри видеоҕа устан, социальнай ситимнэргэ таһаарыахтара.
Ангелина Васильева, “Саха сирэ” хаһыат, edersaas.
Хаартыска: 1sn.ru