90% куолаһы биэрэргэ чугаһыттылар

Ааптар: 
Бөлөххө киир:

Горнай улууһун Атамай нэһилиэгин олохтоохторо ханнык да быыбарга өрүү көхтөөхтүк кытталлар.

edersaas.ru

Бу туһунан быыбардыыр учаастак салайааччытын солбуйааччы Мотрена Филиппова  кэпсиир:

Нэһилиэкпитигэр 600-тэн тахса киһи олорор. Онтон быыбардааччыта — 326 киһи.

Бу дьонтон 290 киһи номнуо куоластаата. 40-ча киһи куоластыыра хаалла. Саҥа быыбардааччыларга өйдөбүнньүк туттардыбыт. 

Сайаапканан дьиэлэригэр 85 киһини, 8 киһини ыраах сытар сирдэргэ (сайылыктарга) бэйэбит тиийэн куоластаттыбыт. 

«Былааҥҥытын толорбуккут дии? Үлэҕит кистэлэҥэ тугуй?» — диэн ыйыппыппар Мотрена Владимировна:

Атамай нэһилиэгин дьоно барыга бары олус көхтөөхтөр. Быыбар аайы дьон бэйэтин баҕатынан кэлэн куоластаан,  90%-тан өрүү тахсааччыбыт.

Онон көхтөөх дьон бу да сырыыга хото куоластаан, санааларын этиннилэр. 

Быыбардыыр хамыыһыйа чилиэннэрин үлэтэ сарсыарда 7.30 чаастан саҕаланар. 8 чааска ааннара тэлэччи аһыллар. Киэһэ 8 чааска үлэлэрин түмүктүүллэр.

Ыһыктарын дьиэлэриттэн аҕалан, бэйэ-бэйэлэрин солбуһан, чэйдээн, сынньанан ылаллар. Икки чаас буола-буола быыбардыыр учаастагы дизенфекциялыыллар, салгылаталлар эбит.

Бары санитарнай ирдэбили толороллор. Биир да температуралаах киһи суох. Барыта этэҥҥэ.

Елена ПОТОЦКАЯ, «Саха сирэ» хаһыат, edersaas.ru

Хаартыска — Мотрена Филиппова тиксэриитэ.

+1
0
+1
0
+1
0
+1
0
+1
0
+1
0
+1
0