Арассыыйаҕа «Авиалесоохрана» — 90 сыла!
От ыйын 7 күнүгэр ойууру салгын аалынан ботурууллааһын тэриллибитэ 90 сыла. Авиалесоохранаҕа чэгиэн өйдөөх-санаалаах, ханнык да ыарахантан кэхтибэт күүстээх, кытаанах уһаарыллыылаах, бэйэлэрин кыанар, баһаар кытыаста умайар уотун биир тыла суох булгуччу кыайарга, умуруорарга дьулуһар дьүккүөрдээх дьон үлэлииллэр.
Эрэгийиэннэр икки ардыларынааҕы үлэҕэ хас эмэ сыл устатыгар болҕомтолоохтук чочуйуллубут хардарыта көмөлөсүһүү Саха сиригэр дьэҥкэтик көстөр. Ойуур баһаарын умулларыыга үлэлиир күүстэри кытары бииргэ, ойуур баһаарын үөһээттэн кэтээн көрөөччүлэр (летнаб), Федеральнай Авиалесоохрана уонна Авиалесоохрана хорсун-хоодуот байыастара, Приморье, Хабаровскай, Забайкалье, Алтай, Бурятия, Тыва, Новосибирскай, Тюмень, Томскай, Амур, Еврейскэй АУо, Ханты-Мансийскай АУо парашютист-баһаарынайдара, десантник-баһаарынайдара биир сомоҕо буолан, күүстэрин түмэн күөх дуолга кытыастар уоту умуруорууга хорсуннук-хоодуоттук үлэлииллэр.
«Авиалесоохрана» ФБУ үбүлүөйдээх бэлиэ даатанан бары кэллиэгэлэрин, дойдубут элбэх эрэгийиэнигэр ойуур баһаардарын умуруорууга туох баар сыраларын ууран туран үлэлии сылдьар байыастарыгар эҕэрдэлэрин тиэрдэллэр, олохторугар ситиһиилэри баҕараллар.
«Авиалесоохрана» ФБУ саайтыттан
Хаартыска: Авиалесоохрана