Айылҕа харыстабыла Суолталаах Уопсастыба

87 ойуур баһаара күөх дуолбутун мэҥиэстэр

Ааспыт сууккаҕа өрөспүүбүлүкэ үрдүнэн 15 ойуур баһаара умуруоруллубут, барыта 2564,3 гектар иэннээх сир былдьаммыт. Бу туһунан СӨ Бырабыыталыстыбатын бэрэссэдээтэлин 1-кы солбуйааччы Дмитрий Садовников иһитиннэрдэ. 

Ол курдук, ойуур баһаардара  Мэҥэ Хаҥаласка, Горнайга, Өлүөхүмэҕэ, Аммаҕа, Алдаҥҥа, Нерюнгригэ, Уус Маайаҕа уонна Маҕаҥҥа умуруоруллубуттар. Ааспыт сууккаҕа эбии 17 ойуур баһаара турбута биллибит, Хаҥаласка, Намҥа, Уус Маайаҕа, Алдаҥҥа, Нерюнгригэ, Томпоҕо ойуур баһаардара эбии турбуттар.

Онон от ыйын 7 күнүн сарсыардааҥҥы туругунан 87 ойуур баһаара күөх дуолбутун мэҥиэстэр. Неюнгригэ 37, Алдаҥҥа 19, Уус Маайаҕа 12, Өлөөҥҥө 5,  «Өлүөнэ очуостара» национальнай паарка сиригэр-уотугар уонна Мииринэйгэ  түөртүү, Томпоҕо иккилии, Намҥа, Чурапчыга, Мэҥэ Хаҥаласка, Хаҥаласка биирдии ойуур баһаардара бааллар. Былырыын баччаларга барыта 282 ойуур баһаара умайара. Бүгүҥҥү күҥҥэ Алдаҥҥа, Мэҥэ Хаҥаласка, Мииринэйгэ, Намҥа, Нерюнгригэ, Өлөөҥҥө, Томпоҕо, Чурапчыга, Уус Маайаҕа, Хаҥаласка уонна «Өлүөнэ очуостара» национальнай пааркаҕа 22 ойуур баһаарын 726 киһи умуруора сылдьар, 60 анал тиэхиньикэ көмөлөһөр.

 

0
0
Telegram @edersaas20