83 саастаах Лариса Афанасьева хаһаайыстыбата киһини сөхтөрөр! (Видео)
Сунтаар нэһилиэгин «Папанин» сайылыгар төһө да аҕыйах киһи сайылаатар, хаһаайыстыба арааһа баар.
edersaas.ru, Мария Кобельянова
Ол курдук, 83 саастаах Лариса Ефимовна Афанасьева манна 26 сыл устата сайылаан, оҕолорунаан, сиэннэринээн оҕуруот аһын кыайа-хото үүннэрэллэр.
Манна бааллар тыһыынчанан помидор, оҕурсу, ону таһынан хаппыыста, хортуоппуй уонна сир аһын арааһа. Дьиэ кэргэн сайылыктарыгар муус устар ыйыгар тахсан үүнээйилэрин олордубутунан бараллар эбит, ол да иһин Ньукуолуҥҥа Сунтаар дьонун оҕурсунан хааччыйаллар. Кыыһа Сардаана Прокопьева бу өлгөм үүнүүнү атыылан эбии үп киллэрэр. Кини биһиэххэ икки улахан теплицаларын араастарын кэпсээтэ. Ол курдук, өлгөм үүнүүлээҕэ — агроном идэлээх аҕалара тутан хаалларбыт сир анныгар турар теплица эбит. Эмиэ биир дьикти, дьэ, бу курдук тыа дьоно сайылыктанан сайын үтүөтүн билэллэр, оҕуруот аһынан дьарыгыраллар.
Мария Кобельянова-Тускулаана, Сунтаар