Мобильнай түөкүннээһин туһунан сэрэтэр сыаллаах иһитиннэриилэр сонуну киэҥник тарҕатар ситимнэргэ өрүү тахса тураллар эрээри, Дьокуускай куоракка эмсэҕэлээччи ахсаана аҕыйаабатын туһунан Ис дьыала министиэристибэтин пресс-сулууспата этэр.
Түөкүттэр ыарыһах, оннооҕор кырдьаҕас дьону аһымматтар. Бу аҕыйах хонуктааҕыта түөкүттэр 81 саастаах Дьокуускай куорат олохтооҕун албыннаатылар.
Ол курдук 81 саастаах биэнсийэлээххэ «МТС» үлэһитэбин диэн биир киһи эрийэн, кини счетуттан харчы усталларын туһунан эппит. Онон баан каартатын, CVV-куодун этэригэр сүбэлээбит. Кырдьаҕас дьахтар эр киһи этиитин барытын толорбут. Ол кэннэ эр киһи сотору кэминэн харчы киирбитин туһунан СМС-иһитиннэриилэр кэлиэхтэрэ диэбит.
Аныгыс күнүгэр эмсэҕэлээччигэ баантан эрийэн офиска ыҥырбыттар. Онно кини банковскай каартатыттан 689 000 солкуобайы билбэт дьон устубуттарын туһунан иһитиннэрбиттэр.
Онон, өйдөөҥ:
— Баан үлэһиттэрэ хаһан даҕаны эһиги дааннайдаргытын көрдөөн сурук суруйбаттар, эрийбэттэр;
— Каартаҕыт ПИН-кодун ким даҕаны — баан да үлэһитэ, быраабы араҥаччылыыр уорганнар үлэһиттэрэ даҕаны көрдүүр бырааптара суох!
— «Баантан» эрийэн реквизиттаргытын, пин-куодкутун уонна да атын дааннайдаргытын ыйыта сатаатахтарына тутатына кэпсэтиини тохтотон баран, бэйэҕит бааҥҥытыгар эрийиҥ;
— Төлөпүөҥҥүтүгэр ким эрэ эрийэн туспа сыһыарыыны туруортара сатыыр буоллаҕына, кэпсэтиини тохтотуҥ уонна бааҥҥа эрийэн тыллааҥ.
edersaas.ru
+1
+1
+1
+1
+1
+1
+1