8 тыһыынча тыа хаһаайыстыбатын үлэһиттэрэ санаторий өҥөтүн туһаныахтара
Аҕыс тыһыынчаттан тахса тыа хаһаайыстыбатыгар үлэлиир дьон санаторнай-курортнай эмтэниинэн туһаныахтарын сөп буолла.
Чэпчэтиилээх путевканы ылар бырааптаах идэлэр испииһэктэрин кэҥэтии түмүгэр маннык кыах үөскээтэ. Этиллибит испииһэккэ эрдэ 20 идэ ыйыллыбыт эбит буоллаҕына, кэҥэтии кэнниттэн испииһэккэ 45 идэ киирбит.
Билигин путевканы ылыыга судаарыстыба өйөбүлүнэн бэтэринээрдэр, мелиоратордар, тыа хаһаайыстыбыгар сыһыаннаах табаары оҥорон таһаарар ИП-лар, үүнээйини кэтиир маастардар, ихтиологтар, охотоведтар, осеменатордар уо.д.а. исписэлиистэр туһанар кыахтаннылар.
Ону таһынан, мантан ыла санаторийга Саха сирин хоту уонна арктическай оройуоннарыттан айанныыр тыа хаһаайыстыбатыгар үлэлиир дьоҥҥо сырыы төлөбүрүн толуйуу бэрээдэгэ тупсарыллыбыт. Айан төлөбүрүн сөмөлүөккэ, пуойаска, уу тырааныспарыгар эрэ буолбакка, куорат икки ардыларынааҕы таксига эмиэ судаарыстыба толуйар буолуоҕа.
Маны кытта санаторнай-курортнай эмтэнии болдьоҕо 18 хонуктан 14 күҥҥэ диэри кыччатыллыбыта биллэрилиннэ.
«Саха сирэ» хаһыат, edersaas.ru
Хаартыска sakha.gov.ru