8-16 саастаах оҕолордоох ыалларга төлөбүр ананыаҕа

Бөлөххө киир:

РФ Үпкэ министиэристибэтин баһылыга Антон Силуанов иһитиннэрбитинэн, 8-16 саастаах оҕолордоох ыалларга бүддьүөттэн 455 миллиард солкуобай эбии бэриллиэҕэ.

edersaas.ru

Кини төлөбүр бу сыл ыам ыйыттан оҥоһуллуоҕун туһунан эттэ. Санатан эттэххэ, саҥа төлөбүрү аныыр туһунан эрдэ дойду баһылыга Владимир Путин иһитиннэрбитэ. В.Путин бэлиэтээн эппитинэн, маннык дьаһал кыра дохуоттаах дьиэ кэргэни өйөөһүҥҥэ хайысхаланар.
Кыра дохуоттаах төрөппүттэр бастакы төлөбүрү хайыы үйэ ыам ыйыгар ылыахтара. Төлөбүр 3-7 саастаах оҕолорго бэриллэр үп курдук төлөнүөҕэ уонна ааҕыллыаҕа. Ол эбэтэр, эрэгийиэнтэн тутулуктанан, 6-12 тыһыынчаҕа тиийиэҕэ.
Манна даҕатан эттэххэ, Саха сирэ дойдуга уонна Уһук Илиҥҥэ демография көрдөрүүтүнэн инники иһээччилэргэ киирсэр. Кэнники үс сылга өрөспүүбүлүкэҕэ оҕолордоох дьиэ кэргэттэри өйүүр дьаһаллар ороскуоттара 4 төгүл улаатта.

Надежда ЕГОРОВА, «Саха сирэ» хаһыат, edersaas.ru

Хаартыска: РИА-Новости сайтыттан

+1
0
+1
0
+1
0
+1
0
+1
0
+1
0
+1
0