ИДьМ пресс-сулууспата иһитиннэрбитинэн, 71 саастаах Дьокуускай куорат олохтооҕор баан үлэһитэ буолан кубулунан 425 тыһыынча солкуобайын уорбуттар.
edersaas.ru
Эмсэҕэлээччи төлөпүөнүгэр билбэт нүөмэриттэн эрийэн баан үлэһитэбин диэн билбэт дьахтара сибээскэ тахсыбыт. Эмсэҕэлээччигэ баан каартатынан туттубутун иһин үгүс сыллар усталара бонус бөҕө мунньуллубутун туһунан иһитиннэрбит. Ол бонустары харчыга уларытыахха сөбүн эппит. Эмсэҕэлээччи итэҕэйэн өс киирбэх каартатын дааннайдарын уонна төлөпүөнүгэр тута кэлбит смс этиитин этэн биэрбит. Каартатыгар баар харчыта сүппүтүгэр эмсэҕэлээччи полицияҕа үҥсүбүт.
Онон билбэт нүөмэртэн эрийэн баан үлэһитэбин диэн сибээскэ таҕыстахтарына итэҕэйимэҥ, түөкүттэр угаайыларыгар киирэн биэримэҥ.
Ульяна Захарова, edersaas.ru
+1
+1
+1
+1
+1
+1
+1