Биэнсийэлээх 70 сааһын туоллаҕына, ый аайы эбии төлөбүр көрүллэр.
СӨ бырабыыталыстыбатын 2002 сыл кулун тутар 5 күнүнээҕи 341-II №-дээх “Саха Өрөспүүбүлүкэтигэр олорор биэнсийэлээхтэр социальнай көмүскэллэрин эбии мэктиэлэрин туһунан” сокуонугар тирэҕирэн, бу төлөбүр оҥоһуллар. Биэнсийэлээх 80 сааһын туолуор диэри ый аайы бэриллэр.
Кээмэйэ – 730 солкуобай (2020 сылга). 80 саас кэнниттэн атын төлөбүр төлөнөр, ол суумата улахан (8-10 тыһыынча солкуобай).
Хайаан да социальнай управлениеҕа баран, сайабылыанньа суруйуохха наада. Докумуоннары ылбыттарын кэннэ, саҥа ый 1-кы чыыһылатыттан төлөнөн барар. Билбэккэ хаалбыт дьон элбэх, онон сааһырбыт дьоҥҥутугар иһитиннэрэргэ тиэтэйиҥ.
Дьокуускай куоракка социальнай көмүскэл управлениетын аадырыһа: Ленин пр., 4/1. Төл.: 31-95-10, электроннай почта: uszn35@sakha.gov.ru
Сарсыарда 9-тан киэһэ 6 чааска диэри үлэлиир, эбиэккэ тохтобула – 13.00-14.00.
Ангелина Васильева, “Саха сирэ” хаһыат, edersaas.ru
Хаартыска — Интэриниэт ситимиттэн.