Сүрүн Уопсастыба

70 киһи коронавирус дьаҥар хаптарда

СӨ Бырабыыталыстыбатын Бэрэссэдээтэлин солбуйааччы Ольга Балабкина бүгүн, балаҕан ыйын 23 күнүгэр, өрөспүүбүлүкэҕэ коронавирус балаһыанньатын туһунан билиһиннэрдэ.

edersaas.ru

Бүтэһик хонукка өрөспүүбүлүкэ үрдүнэн 70 киһи коронавирустаабыт. Итинтэн 35 киһи Дьокуускай куорат олохтооҕо. Эдьигээҥҥэ, Мэҥэ Хаҥаласка, Чурапчыга биэстии киһи, Ленскэй улууһугар — 4, Үөһээ Дьааҥы, Өймөкөөн улуустарыгар үстүү киһи сутуллубута бэлиэтэнэр. Абыйга, Алдаҥҥа, Булуҥҥа, Намҥа, Хаҥаласка COVID-19 ыарыыга иккилии киһи ыалдьыбыт.

Ыалдьыбыттары кытта хантаактаспыттар хааччахтааһын эрэсиимигэр олороллор.

Ааспыт хонукка COVID-19 ыарыыттан биир киһи тыына быһынна. Суукка иһигэр 3974 тест оҥоһулунна. Пандемия саҕаланыаҕыттан 455 606 тест оҥоһуллубут.

Егор Карпов, «Саха сирэ» хаһыат, edersaas.ru

0
0
Telegram @edersaas20

Добавить комментарий