70 саастарын туолбут дьоҥҥо (1 группалаах инбэлииттэртэн ураты) биэнсийэлэригэр ый аайы 730 солкуобай эбиллэр. Бу төлөбүр 80 саастарын туолуохтарыгар диэри бэриллэр.
edersaas.ru
Урут бу төлөбүр анаан сайабылыанньа суруйдахха эрэ, төлөнөрө. Билигин 2020 сыл муус устар 9 күнүгэр ылыллыбыт 364-VI №-дээх өрөспүүбүлүкэ сокуонугар олоҕуран, сайабылыанньата суох бэриллэр буолла.
Бу сааһырбыт дьон электроннай судаарыстыбаннай өҥөлөрүнэн сатаан туһамматтарын, харантыын кэмигэр социальнай управлениеларга барар кыахтара суоҕун учуоттаан, маннык миэрэ ылыллыбыта.
Сокуон ылыллыаҕыттан 7,82 мөлүйүөн солкуобай суумалаах 3349 төлөбүр дьоҥҥо бэриллибит.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1