Ыйытыыгын күүтэбит

Ааптар: 
24.01.2018
Бөлөххө киир:

Бүгүҥҥү нүөмэртэн хаһыат үөрэххэ аналлаах “Кыһа” балаһатын иһинэн “Ыйыт — хоруйдуубут” рубриканы арыйан үлэлэтиэхпит. Эксээмэҥҥэ, үөрэххэ туттарсыыга, атын даҕаны үөрэххэ сыһыаннаах ыйытыыларгытын биэриэххитин сөп.

edersaas.ru

Л.Ноговицына, төрөппүт, Нам улууһа:

— Дьокуускайдааҕы уу тырааныспарын институтун туһунан билиэхпин баҕарабын. Төһө кэскиллээх үөрэҕий? Ханнык идэлэргэ үөрэтэллэрий? Филиал дуу, эбэтэр ХИФУ иһинэн үлэлиир дуу?[row]

СӨ Үөрэҕин уонна наукатын министиэристибэтин пресс-сулууспата:

— Дьокуускайдааҕы уу тырааныспарын института Сибиирдээҕи уу тырааныспарын судаарыстыбаннай университетын филиала буолар. Саха Өрөспүүбүлүкэтигэр  хоту улуустарга таһаҕаһы таһыыны хааччыйар уу тырааныспарын тэрилтэлэрин исписэлиистэрин бэлэмниир соҕотох үөрэх кыһата буолар.

Өлүөнэ ууһуттарын 80 бырыһыана Дьокуускайдааҕы уу тырааныспарын институтун бүтэрбит дьон.

“Судовождение”, “менеджмент”, “электроэнергетика уонна электротехника”, “транспортнай процесс технологията”, “тутуу”, “природообустройство уонна водопользование”, “кораблестроение, океанотехника уонна муора инфраструктарын объектарын системотехниката” (үрдүк анал үөрэхтэр), “судовождение”, “эксплуатация внутренних водных путей”, “эксплуатация судового электрооборудования и средств автоматики”, “эксплуатация судовых энергетических установок” (орто анал үөрэхтэр) бэлэмниибит.

Ыйытыыларгытын 677000, Дьокуускай куорат, Орджоникидзе уул., 31 №-дээх дьиэтигэр, “Саха сирэ” хаһыат эрэдээксийэтигэр аадырыстаан ыытыаххытын сөп. Ону тэҥэ gazetasakhasire@mail.ru электроннай почтаҕа күүтэбит. Исписэлиистэр хоруйдарын “Саха сирэ” хаһыакка уонна edersaas.ru саайтка таһаарыахпыт.  

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0