5П мэдиссиинэ диэн тугуй?

Бөлөххө киир:

Муус устар 20 күнүгэр Мэдиссиинэ национальнай киинигэр «Биһиги оҕолорбут. Кырачааннар уонна обургу оҕолор этэҥҥэ буолалларыгар 5П мэдиссиинэ» диэн Ийэ сылыгар аналлаах научнай-практическай кэмпириэнсийэ саҕаланна.

5П мэдиссиинэ – доруобай киһи организмын уратытын эрдэ, араас хабааннаахтык билэргэ, олох хаачыстыбатын уонна уһунун быһаарар генетика маркердарын сыаналааһыҥҥа олоҕурбут саҥа мэдиссиинэ.
Тоҕо 5П диэний? Кэмпириэнсийэни тэрийээччилэр быһааралларынан:
— Бастатан туран, 5П киһи билигин төһө да доруобай курдугун иһин, инникитин кини организмыгар туох уларыйыы буолуон сөбүн билгэлиир.

— Иккиһинэн, ыарыыны сэрэтэргэ хайысхаламмыт мэдиссиинэ.

— Үсүһүнэн, персонализированнай. Ол эбэтэр, киһини барытын биир схеманан, тэҥ эминэн  эмтээбэккин.

— Төрдүһүнэн, муҥутаан чопчу уонна деликатнай мэдиссиинэ.

— Бэсиһинэн, эмтэнээччи-– бэйэтин организмын тупсарар уонна чөлүгэр түһэрэр хамсааһын көхтөөх кыттааччыта. Кини быраас сорудаҕын эрэ толорбот, кини битэмииннэри тоҕо сиэхтээҕин уонна күҥҥэ төһө саахары сөп буоларын өйдүүр.
Исписэлиистэр ыарыһаҕы хайдах эмтииргэ эрэ буолбакка, кини доруобай буоларыгар хайдах көмөлөһөргө интэриэстээхтэр. Бу билигин — ырыынакка биир саамай сүүнэ кыахтаах тренд.
Кэмпириэнсийэ эндокринологтары, нефрологтары, гинекологтары, иммунологтары, уролог-андрологтары, неврологтары, офтальмологтары, гастроэнтерологтары, оҕо хирурдарын биир кэпсэтэр былаһааккаҕа түмэр уонна бу хайысхаҕа саҥа көрүүлэри дьүүллэһэр соруктаах.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0