Дьокуускай куоракка «Единый юридический центр РС(Я)» диэн тэрилтэни салайбыт Иннокентий Иванову Москва куоракка туттулар. Бу туһунан СӨ ИДьМ-тын пресс-сулууспата иһитиннэрдэ.
Холуобунай дьыала «Түөкүннээһин» ыстатыйанан бу сайын от ыйыгар тэриллибитэ.
Силиэстийэ уорганнара Иванову 2013-2018 сыллар усталарыгар 58 киһиэхэ сири атыылаһарыгар албыннаан-түөкэйдээн «көмөлөһөн», 14 мөл. солк. тахса суумманы иҥэриниигэ буруйдууллар.
Буруйданааччы отоойкоҕо олордубут дьонуттан уонна быраабы араҥаччылыыр уорганнартан куотан-саһан, федеральный ирдэбилгэ биллэриллибитэ.
Уонна, дьэ, бу ахсынньы 13 күнүгэр полицейскайдар кинини Москва куоракка туттулар. Лефортовскай оройуоннааҕы суута Ивановы хаайбыт. Билигин кинини Дьокуускай куоракка этабынан аҕалыахтаахтар.
Силиэстийэ салҕанан барар.
Биһиги корр., «Саха сирэ» хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1