Быйыл өрөспүүбүлүкэ үрдүнэн 80 706 туонна үүт туттарыллыахтаах.
edersaas.ru
Атырдьах ыйын 24 күнүнээҕи туругунан, 56 828 туонна үүт туттарылынна, былырыын баччаларга 49 499 туонна үүт туттарыллыбыта. Сэттэ ыйдаах былааннарын Кэбээйи улууһа 100 %, Өлүөхүмэ уонна Томпо улуустара 106 %, Алдан уонна Ленскэй улуустара 119 % толорон иһэллэр. Улахан былааннаах Мэҥэ Хаҥалас (8 500 туонна), Чурапчы (7 600 туонна), Сунтаар (7 500 туонна), Хаҥалас (6 400 туонна) уонна Таатта (6 100 туонна) улуустара сорудахтарын 90-97 % толорон иһэллэр.
«Саха Өрөспүүбүлүкэтин муниципальнай оройуоннарыгар уонна куораттааҕы уокуруктарыгар 2020 сылга тыа хаһаайыстыбатын производствотын өйөөһүҥҥэ кэккэ судаарыстыбаннай боломуочуйалары биэриигэ бүддьүөт харчытын бигэргэтэр туһунан» диэн министиэристибэ 973 №-дээх бирикээһигэр олоҕуран, сүөһүттэн ылыллар бородууксуйаны өйөөһүҥҥэ уонна астааһыҥҥа 2 800 000 тыһыынча солкуобай көрүллүбүтэ. Ол 90 %-а тустаах улуустарга тиэрдиллэн турар. Бу туһунан тыа хаһаайыстыбатын министиэристибэтин пресс-киинэ иһитиннэрэр.
Раиса Сибирякова, «Саха сирэ» edersaas.ru