500 киһи искэни утары аахсыйаҕа кытынна
Олох-дьаһах

500 киһи искэни утары аахсыйаҕа кытынна

Доруобуйа харыстабылын министиэристибэтэ  «Өрөспүүбүлүкэҕэ  онкологическай ыарыылары утары охсуһуу”  диэн бырайыак чэрчитинэн  уонна Искэни утары охсуһуу бүтүн аан дойдутааҕы күнүгэр анаан өрөспүүбүлүкэ үрдүнэн искэн ыарыытын  эрдэттэн   быһаарар сыаллаах       анал тэрээһиннэри, аахсыйалары  ыытта.

edersaas.ru

Маннык  аахсыйа олунньу 4 күнүгэр Дьокуускай куорат “Кружало”  атыы-эргиэн киинигэр  ыытылынна. Аахсыйаҕа барыта 500-чэ киһи кытынна. Кэлбит дьон  онколог-быраас сүбэтин  ыллылар, баҕалаах киһи  УЗИ-нан бэрэбиэркэни  ааста, экспресс- анаалыс уонна онкомаркер  туттарда.

Тэрээһиҥҥэ бырабыыталыстыба бэрэссэдээтэлин  солбуйааччы Ольга Балабкина, мэдиссиинискэй көмөнү оҥорор департамент салайааччыта  Вера Тарасова, онкология диспансерын  химиотерапияҕа  салаатын сэбиэдиссэйэ, СӨ Доруобуйа харыстабылын  министиэристибэтин  сүрүн онколог-бырааһа  Феодосия Иванова, «Арассыыйа ийэлэрэ” уопсастыбаннай хамсааһын Саха сиринээҕи салаатын бэрэссэдээтэлэ   Прасковья Борисова  кыттыннылар.

Ньургуйаана Иванова, «Саха сирэ» хаһыат, edersaas.ru

Хаартыска Sakha.gov.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

13 − 3 =