Өрөспүүбүлүкэ бары улуустарын урбаан тэрилтэлэрин тэҥэ, Нам улууһун урбаанньыттара, коронавирус тарҕана турар уустук кэмигэр нэһилиэнньэҕэ араас көмөнү оҥороллор.
edersaas.ru
Ол курдук, Александра Колесова салайааччылаах “Кэрэ” иис-уус тэрилтэтэ Нам улууһун балыыһаларыгар харыстанар маасканы босхо тигэн биэрдэ.
Бу туһунан иис-уус хампаанньа-ателье дириэктэрэ Александра Колесова маннык кэпсээтэ:
-Нам улууһун балыыһаларыгар биэс сүүс устуука харыстанар маасканы, ону таһынан, сакаас быһыытынан биэс уон анал, харыстанар көстүүмү тигэн биэрдибит. Намнааҕы кырдьаҕастар дьиэлэрин мааска тиктэр матырыйаалынан хааччыйдыбыт. Коронавирус дьаҥа тарҕаныаҕыттан, кулун тутар ортотуттан барыта отут тыһыынча мэдиссиинэ мааскатын тиктибит.
Ньургуйаана Иванова, “Саха сирэ” хаһыат, edersaas.ru
Хаартыскалар “Кэрэ” ателье түһэриитэ
+1
+1
+1
+1
+1
+1
+1