49 тыһыынча 154 туонна от кэбиһилиннэ

Ааптар: 
Бөлөххө киир:

Тыа хаһаайыстыбатын министиэристибэтин чахчытынан, от ыйын 27 күнүнээҕи туругунан, 79 тыһыынча 592 гектар иэннээх ходуһа сирэ охсулунна, 49 тыһыынча 154 туонна от кэбиһилиннэ.

Өрөспүүбүлүкэ үрдүнэн күөх быйаҥ күрэҕэр 24 654 киһилээх 7 187 звено, 9 891 араас мааркалаах тыраахтар үлэлии-хамсыы сылдьаллар. Бу 7 187 звеноттан толору мэхэньисээссийэлээҕэ 1 596, ситэтэ суох мэхэньисээссийэлээҕэ 3 977, ат көлө күүһүнэн оттооччута 118, илии хотуурунан сэбилэммитэ 1 485.

Ойуур баһаара алта улууска (Сунтаарга, Ньурбаҕа, Томпоҕо, Мэҥэ Хаҥаласка, Намҥа, Кэбээйигэ) сылгы баазаларын, күрүөнү-хаһааны былдьаата, 464 туонна кур оту, 730 гектар бааһынаны, 3000 гектар мэччирэҥ сирин сиэтэ.

Амма, Бүлүү, Горнай, Кэбээйи, Мэҥэ Хаҥалас, Нам, Ньурба, Өймөкөөн, Өлүөхүмэ, Сунтаар, Таатта, Томпо, Уус Алдан, Хаҥалас уонна Чурапчы улуустара ыраах учаастактарынан оттуур мобильнай биригээдэлэри тэрийэн, оттуур сирдэри быһаарса сылдьаллар. Кинилэр барыта холбоон 33 тыһыынча 627 туонна оту оттуур соруктаахтар. Бу сыалга өрөспүүбүлүкэ быйылгы сыллаах бүддьүөтүттэн 34 мөл. солк көрүлүннэ.

+1
0
+1
0
+1
0
+1
0
+1
0
+1
0
+1
0