Өссө биир педофил оҥорбут ыар буруйа суутунан дакаастанан, уһун болдьоххо күлүүстээх хаайыыга утаарылынна. Бу туһунан РФ Силиэстийэлиир кэмитиэтин Саха сиринээҕи управлениета иһитиннэрдэ.
Вера МАКАРОВА, «Саха сирэ», https://edersaas.ru/
Суут быһаарбытынан, бу киһийдэх 2014 сыл сайыныгар түүн итирэн кэлэн баран, бииргэ олорор дьахтарын 11 саастаах кыыһын хоһугар киирэн, куттаан туран, оҕо эрэйдээх куттанан хаһыытыырын аахсыбакка, күүһүнэн «сылдьыһар» дьайыылары оҥорбут. 2015 сыл сайыныгар кыыс 12 саастааҕар эмиэ оннук дьаабыламмыт.
Үсүһүн 2016 сыл тохсунньу 30 күнүн сарсыардатыгар эмиэ итирик сылдьан атаҕастаары гыммытыгар, хоско кыыс ийэтэ киирэн кэлэн тохтообут.
Бу Сунтаартан төрүттээх 48 саастаах педофил урут хаста да сууттана сылдьыбыт, ханна да түптээн үлэлээбэт, бэйэтэ иитимньитигэр 7 оҕолоох киһийдэх эбит.
Суут мунньаҕар буруйун кыккыраччы мэлдьэһэ сатаабыт эрээри, барыта толору дакаастанан, 15 сылга кытаанах режимнээх холуонньаҕа көҥүлэ быһылларга ууруллубут.
Вера МАКАРОВА, «Саха сирэ», https://edersaas.ru/
Хаартыска: интернеттэн.