Балаҕан ыйын 17 күнүнээҕи туругунан, Арассыыйаҕа коронавируһу утары быһыыны 47,5 мөлүйүөн киһи ылбыт диэн доруобуйа харыстабылын миниистирэ Михаил Мурашко иһитиннэрдэ. 41 мөлүйүөн киһи быһыы иккис укуолун ылбыт.
Миниистир этэринэн, дойдуга быһыы саппааһа элбэх. Онон быһыыны ыларга уочарат суох. Билиҥҥитэ “Спутник V”, “ЭпиВакКорона”, “КовиВак” быһыылары биэрэллэр. Сыл аҥаарынан иккистээн быһыыны ыларга “Спутник Лайт” вакцинаны биэрэллэр. Быһыыны биэрии босхо.
Билигин Федеральнай мэдиссиинискэй-биологическай ааҕыныстыба (ФМБА) коронавируһу утары быһыыны оҥоро сылдьар. Ону тэҥэ, коронавируһу утары “Мир-19” диэн ааттаах эми оҥорон, доруобуйа харыстабылын министиэристибэтигэр отчуотун туттарыахтаах.
Ангелина Васильева, “Саха сирэ” хаһыат, edersaas.ru
Хаартыска: sakha.gov.ru