Айылҕа харыстабыла

69 ойуур баһаарын умуруорууга үлэ ыытыллар

От ыйын 17 күнүгэр СӨ Экология уонна ойуур хаһаайыстыбатын миниистирэ Сахамин Афанасьев ойуур баһаардарынан суһал ыстаап уочараттаах мунньаҕын ыытта.
Бу күннэргэ Саха сиригэр ойуур баһаардарын умуруорууга көмөлөһө кэлэ сылдьар ойуур хаһаайыстыбатын федеральнай ааҕыныстыбатын — Рослесхоз салайааччытын солбуйааччы Александр Агафонов мунньахха кыттыыны ылла.
Эрэгийиэннээҕи диспетчерскэй сулууспа чахчытынан, от ыйын 17 күнүгэр сарсыада, 16 оройуоҥҥа 69 ойуур баһаарын умуруорууга үлэ ыытыллар. Итинтэн биэс оройуоҥҥа аҕыс умуруоруллубут. Оттон хонук саҕаланыаҕыттан 43 ойуур баһаарын умуруорбуттар, биэс булуллубут.
Билигин да Горнайга, Сунтаарга, Мииринэйгэ уонна Хаҥаласка быһыы-майгы уустуга бэлиэтэнэр.
Ойуур баһаардарын умуруорууга 2025 киһи, 253 тиэхиньикэ, 12 салгын аала үлэлиир.
Александр Агафонов улахан үлэ ыытылларын бэлиэтээтэ.
«Түмүктэр бааллар. 43 умуруоруллубут баһаартан саҥа баһаарга эбии күүстэр суһаллык тиэрдилиннилэр. Үлэ тэрээһиннээхтик салҕанар. Билиҥҥи туругунан нэһилиэнньэлээх пууннарга куттал суоһаабат«, — диир Александр Агафонов.
0
0