Бу кэнники биир хонук иһигэр өрөспүүбүлүкэҕэ өссө 43 киһи коронавирустаабыта билиннэ.
Үөһээ Бүлүү улууһугар 1 киһи коронавирус дьаҥар хаптарбыта билиннэ. 40 киһи Дьокуускайга, 1 — Намҥа, 1 — Сунтаарга. Дьаҥнаабыт дьон балыыһаҕа киллэриллибиттэр. Кинилэри кытары хантаактаахтар чуолкайданаллар уонна изоляцияланаллар.
34 киһи үтүөрэн балыыһаттан таҕыста. Мантан 16 киһи Дьокуускайга, 9 киһи Сунтаарга, 3 — Нерюнгрига, 2 — Алдаҥҥа, 2 — Мэҥэ Хаҥаласка, 1 — Бүлүүгэ, 1 — Ленскэйгэ. Коронавирус дьаҥыттан өрөспүүбүлүкэ үрдүнэн уопсайа 265 киһи үтүөрбүтэ бэлиэтэнэр.
Бэҕэһээ, ыам ыйын 16 күнүгэр, дьарҕарбыт ыарыылардаах, инсуллаабыт уонна диабеттаах, 67 саастаах дьахтар COVID-19 дьаҥтан тыына быстыбыта.
Коронавирус дьаҥа туруоҕуттан, Саха сиригэр барыта 828 киһи ыалдьыбыт, 265 киһи үтүөрбүт, 5 киһи өлбүт.
Дьокуускайга билигин 8 киһи ыарахан туруктаах. Итинтэн 1 киһи ИВЛ аппараатыгар холбонон сытар. 143 киһиэхэ дьаҥ сибикитэ улаханнык биллэрбэккэ эрэ ыарытыннарар, онон бу дьон амбулаторнай эмтэниигэ сылдьаллар.
Биир сууккаҕа өрөспүүбүлүкэҕэ коронавирус дьаҥын бэрэбиэркэлиир 1509 тест лабораторияларга оҥоһулунна. Обсерваторияларга 539 киһи сытар.