Саха Өрөспүүбүлүкэтин Киин быыбардыыр хамыыһыйатын бэрэссэдээтэлин солбуйааччы Иван Андросов иһитиннэрбитинэн, киэһэ 18 чааска түмүллүбүт чахчынан, Саха сирин үрдүнэн 411 тыһ. 558 киһи, эбэтэр быыбардааччы 64,8 %-а бэйэтин гражданскай ытык иэһин толордо. edersaas.ru
Хотугу улуустар көрдөрүүлэрэ үчүгэй. Ол курдук, Анаабырга быыбардааччы 86 %-а, Өлөөҥҥө 85,6 %-а, Абыйга 72 %-а, Аллараа Халымаҕа уонна Эбээн Бытантайга 66 %-а, Аллайыахаҕа уонна Эдьигээҥҥэ 65 %-а, Булуҥҥа 63 %-а, Өймөкөөҥҥө, Томпоҕо 60 %-а куоластаабыттар.
Саха сирин кииниттэн урутаан иһэр бириэмэлээх алта улуус (Абый, Аллайыаха, Аллараа Халыма, Орто Халыма, Муома уонна Үөһээ Халыма) быыбары Дьокуускай бириэмэтинэн 18 чааска, үс улуус (Дьааҥы, Өймөкөөн уонна Усуйаана) Дьокуускай бириэмэтинэн 19 чааска түмүктээтилэр.
Киин уонна илин эҥэр улуустартан: Амма уонна Горнай (78 %), Таатта, Уус Алдан (75 %), Мэҥэ Хаҥалас (67%), Нам (66 %), Чурапчы уонна Горнай (64,5 %), Хаҥалас (63 %), Бүлүү эҥээрдэртэн: Бүлүү (75 %) Сунтаар (70 %) , Ньурба уонна Бүлүү (64 %) быыбардаабыттар. Промышленнай улуустартан: Ленскэй (63 %) , Мирнэй (62 %), Нерюнгри (59 %), Алдан (56 %) куоластаан иһэллэр. Киин куоракка 124 тыһ. 441 киһи, эбэтэр быыбардааччы 63 %-на) гражданскай иэһин төлөөбүт.
Раиса Сибирякова, “Саха сирэ”, edersaas.ru