40-тан аҕа саастаах дьон сылга биирдэ диспансеризация баралларыгар 1 күн өрүөхтэрин сөп. Бу күн үлэ күнүн курдук төлөнөр. Ол туһунан Үлэ, социальнай сайдыы министиэристибэтэ биллэрэр.
edersaas.ru
2020 сыл атырдьах ыйын 11 күнүттэн Үлэ кодексыгар саҥа нуорма эбиллэн биэрэр. Диспансеризацияны ааһарга үлэттэн босхолонууга күннээҕи орто хамнас төлөнөр, үлэ миэстэтэ (дуоһунаһа) оннунан хаалар. Бу миэрэ киһи доруобуйатын харыстанарыгар, ыарыы олохсуйа илигинэ, эрдэ булулларыгар туһуланар.
Министиэристибэҕэ иһитиннэрбиттэринэн, бары үлэһиттэр диспансеризацияны ааһалларыгар үс сылга биирдэ үлэттэн босхолууллар (бу күн төлөнөр), 40 саастарын ааспыттары – сылга биирдэ 1 күн, биэнсийэлээх уонна биэнсийэҕэ тахсыах иннинээҕи саастаахтары – сылга биирдэ 2 күн.
Үлэһит диспансеризацияны ааспытын туһунан ыспыраапканы аҕалан көрдөрүөхтээх. Үлэ кодексыгар саҥа нуорма киирбитинэн, тэрилтэлэр, үлэни биэрээччилэр кэлэктиип дуогабарыгар бу туһунан киллэриэхтэрин сөп.
Ангелина Васильева, “Саха сирэ” хаһыат, edersaas.ru