Саха сиригэр 390 нэһилиэнньэлээх пуун үчүгэй хаачыстыбалаах 10 босхо ханаалы көрөр кыахтанна. Бу күннэргэ “РФ телевидениенэн уонна радионан биэриилэрин сайыннарыы” диэн федеральнай тус сыаллаах бырагыраамаҕа олоҕуран, Саха сиригэр цифровой телевидениены хааччыйар 211 эбийиэк тутуллан үлэҕэ киирдэ. edersaas.ru
Бу эбийиэктэри тутууга генеральнай бэдэрээтчиттэринэн “ТрансТелеКом” хампаанньа уонна Радио научнай-чинчийэр института үлэлэстилэр. РФ сибээһин миниистирин солбуйааччы Алексей Волин Дьокуускайга кэлэ сылдьан, биир регион иһигэр бачча элбэх цифровой станция тутуллан олоххо киирбитэ ханна да суоҕун бэлиэтээн эппитэ. Онон Ил Дархан Егор Борисов этэринии, Саха сирин курдук улахан сирдээх-уоттаах региону барытын цифровой телевидениенэн хабыы олус уустук эрээри, федеральнай структуралары, бэдэрээтчиттэри кытары сөҥнөһөн бииргэ үлэлэстэххэ, хайа баҕарар кыаллар дьыала. Онон билигин нэһилиэнньэ 98 % цифровой телевидениенэн хааччылынна.
Аграфена КУЗЬМИНА, «Саха сирэ» хаһыат, edersaas.ru
+1
+1
+1
+1
+1
+1
+1