Саха сиригэр 2018 сылга анал бырагырааманан 387 тыа ыала олорор усулуобуйаларын тупсардылар.
Саха сиригэр ааспыт 2018 сылга 387 ыал «Тыа сиригэр олорор ыал дьиэлэрин-уоттарын усулуобуйатын тупсарыы» диэн бырагыраама чэрчитинэн олорор сирдэрин тупсардылар. Онтон 263- һэ эдэр ыал диэн өрөспүүбүлүкэтээҕи тыа хаһаайыстыбатын министиэрстибэтин саайтыгар суруллар. Бырагыраамма кыттыылаахтара 26 776 кв.м. иэннээх 387 дьиэни туттубуттар. Бу сыалга анаан барыта 353 млн 144 тыһ солкуобай көрүллүбүт. Онтон 187 млн 644 тыһ — федеральнай бюджеттан, судаарыстыбаннай харчыттан — 165 млн 500 тыһ. 2019 сылга бу үбү 509 млн 319 тыһ солкуобайга диэри үрдэтэри былаанныллар. Маннык бырагырааммалар тыа сиригэр олоруу усулуобуйатын, олох хаачыстыбатын тупсараллар.
edersaas.ru