Тыа хаһаайыстыбатын министиэристибэтэ иһитиннэрбитинэн, балаҕан ыйын 28 күнүнээҕи туругунан, 383 тыһыынча туонна от оттонно.
Ити сыл тахсар от 84 %-а. Мобильнай биригээдэлэр 35 347 туоннаны оттооннор, былааннарын 86 %-ын толордулар. Маны таһынан 22 867 туонна сиилэс (былаан 84 %-а) угулунна, 8 735 туонна сенаж (былаан 59,9 %-а) бэлэмнэннэ.
Биирдиилээн улуустарынан ыллахха, былааннарын Эбээн Бытантай (105 %), Бүлүү (101 %), Алдан (100 %), Кэбээйи (99 %), Уус Маайа, Үөһээ Бүлүү (97 %), Дьокуускай куорат (98 %), Таатта (94 %), Амма, Дьааҥы (93 %), Нам, Ленскэй (88 %), Хаҥалас, Орто Халыма (86 %), Мэҥэ Хаҥалас (85 %), Ньурба (84 %), Горнай (79 %), Өлүөхүмэ уонна Муома (75 %), Сунтаар (74 %), Өймөкөөн (68 %), Мирнэй (67 %), Чурапчы (64 %), Уус Алдан (59 %), Томпо (38 %) толордулар.
Сиилэһи угууга сорудахтарын Өлүөхүмэ (170 %), Амма (104 %), Хаҥалас (103 %), Чурапчы, Сунтаар (100 %), Ленскэй (97 %), Мэҥэ Хаҥалас (86 %), сенажка былааннарын Алдан (151 %), Амма (142 %), Чурапчы (100 %), Өлүөхүмэ (73 %) толордулар.
Раиса Сибирякова, «Саха сирэ», edersaas.ru