Балаҕан ыйын 20 күнүнээҕи туругунан, өрөспүүбүлүкэ үрдүнэн 375 301 туонна от чөкөтүллэн, сыл тахсар от 82 % хааччылынна.
edersaas.ru б
Маны таһынан 20 696 туонна сиилэс (былаан 77 %-а), 5 736 туонна сенаж (былаан 50 %-а) бэлэмнэннэ. Мобильнай биригээдэлэр 31,2 тыһ. туоннаны оттооннор, сорудахтарын 76 % толордулар.
Биирдиилээн улуустарынан ыллахха, былааннарын Абый (151 %), Эбээн Бытантай (105 %), Бүлүү (100 %), Уус Маайа (97 %), Үөһээ Бүлүү (96 %), Дьокуускай куорат (97 %), Кэбээйи (95 %), Амма уонна Таатта (92 %), Хаҥалас, Орто Халыма уонна Дьааҥы (86 %), Мэҥэ Хаҥалас, Нам, Ньурба уонна Ленскэй (84 %), Горнай (78 %), Өлүөхүмэ уонна Муома (75 %), Өймөкөөн (68 %), Чурапчы (60 %), Уус Алдан (59 %), Мирнэй (45 %), Томпо (36 %) толордулар.
Амур уобалаһыттан 17 535 т оту атыылаһарга кэпсэтии ыытыллар. Бу туһунан Тыа хаһаайыстыбатын министиэристибэтин сиртэн үүнээйини ылыыга, мелиорацияҕа уонна материальнай-тэхэньиичэскэй хааччыйыыга департамена иһитиннэрдэ.
Раиса Сибирякова, «Саха сирэ» хаһыат, edersaas.ru