Сайыҥҥы былдьаһыктаах күннэргэ өрөмүөн үлэтин ыытыы өрүү хонтуруолга тутуллар. «СӨ ОДьКХ» ГУП өрөмүөн үлэтин хайдах тэрийэрин манна ааҕыҥ.
“СӨ ОДьКХ” ГУП сылааһынан өрөспүүбүлүкэ сирин 74 быр. хааччыйар, 26 муниципальнай оройуоҥҥа, 320 нэһилиэнньэлээх пууҥҥа хомунаалынай өҥөнү оҥорор. Тэрилтэ оттук сезона түмүктэннэ даҕаны, тута кэлэр кыстыкка бэлэмнэнэн барар соруктаах. Кэлэн иһэр кыстыкка хайдах бэлэмнэнэн, өрөмүөнү ыыта сылдьарын туһунан туһааннаах ГУП пресс-сулууспата маннык хоруйу ыытта:
— 2022-2023 сс. күһүҥҥү-кыһыҥҥы кэмҥэ эбийиэктэри бэлэмнээһиҥҥэ өрөмүөн бырагырааматынан салайтаран үлэлиибит. Ол курдук, тустаах бырагырааманан 67 хочуол, 120 тахса носуос, горелка, буруону таһаарар тэриллэр өрөмүөннэнэллэрэ торумнаммыта. Онон эрэ муҥурдаммакка, уопсайа 60 км тахса уһуннаах инженернэй ситимнэргэ хапытаалынай өрөмүөн ыытыллар.
Бу от ыйын 21 күнүнээҕи туругунан хомунаалынай хаһаайыстыба туруу үлэһиттэрэ хайыы үйэ 37 хочуолу уларыттылар, ону тэҥэ 48 носуос уонна турба тэрилэ уларытылынна, 20 км уһуннаах инженернэй ситими олохтоохтук өрөмүөннээтилэр. Ол курдук, 16,8 км усталаах сылааһы биэрэр ситим, 2,4 км усталаах уу ситимэ уонна 0,8 км кирдээх уу барар ситимэ. Онон бу ыйыллыбыт күҥҥэ өрөмүөн бырагырааматын толоруу 55 бырыһыаҥҥа тэҥнэстэ.
Өрөмүөн үлэтинэн эрэ муҥурдаммат. ГУП халааҥҥа түбэспиттэргэ көмөтүн хомуйар.
Бэлэмнээтэ Женни Стрюкова
Хаартыска: интэриниэттэн