Бэс ыйын 13 күнүнээҕи туругунан, өрөспүүбүлүкэҕэ 64 га сиргэ турбут биэс ойуур баһаарын умуруорарга 33 парашютист, «Авиалесоохрана» баһаарынай десантниктара үлэлииллэр. Экология министиэристибэтэ иһитиннэрэринэн, Нам улууһугар – 1,5 га, Өймөкөөҥҥө – 1 га, Ленскэйгэ – 20 га, Өлүөхүмэҕэ – 10 га сир умайа турар.
edersaas.ru
Уоту умуруорарга «Якутлесресурс» ойууру харабыллыыр сулууспатын 20 үлэһитэ, ойуур харыстабылын алта үлэһитэ, олохтоох дьонтон 59 киһи туруннулар. Тоҕус тиэхиньикэ алдьархай содулун тохтоторго таҕыста. Барыллаан көрүүнэн, баһаар биричиинэтэ – ардаҕа суох күүстээх этиҥ, чаҕылҕан охсуута.
Ону таһынан, Алдан, Дьааҥы, Нерюнгри, Томпо, Уус Маайа улуустарыгар киһи тиийбэт ыраах сиригэр 39 термоточка (умайыы) бэлиэтэммит. Онно 62 058 га сири уот сиэбит, онтон күөх үүнээйилээх, ойуурдаах сирэ — 51 631 га.
«Саха сирэ», edersaas.ru
+1
+1
+1
+1
+1
+1
+1