Уопсастыба

31 баан биисинэһи өйүүргэ үлэлэһэр

Экэнэмиичэскэй сайдыы миниистирэ Максим Решетников коронавирус инфекцията тарҕаныытын кэмигэр биисинэһи өйүүр миэрэлэр олоххо киириилэригэр анаммыт брифини ыытта.

edersaas.ru

Кини кириисиһи утары миэрэлэргэ тохтоото. Ол курдук, РФ Бырабыыталыстыбата биисинэһи өйүүргэ бастакы уонна иккис бакыаттары сүрүннээн олоххо киллэрбит. Бастакы бакыат өйөбүл төлүүр болдьоҕу уһатыыга, арыанданы уһатыыга уо.д.а. анаммыта.
Иккис бакыат үбүнэн өйөбүлгэ уонна кирэдьиит бырагыраамаларын кэҥэтиигэ туһуламмыта. Билигин хамнаһы төлөөһүҥҥэ биисинскэ нуул бырыһыаҥҥа кирэдьиити биэрии саамай ирдэнэр көрүҥ. Билигин маннык кирэдьиитинэн 6 тыһыынча тэрилтэ туһаммыт, өссө 22 тыһыынча көрдөһүү бааҥҥа сытар. Бу үлэҕэ 31 баан кыттар.
Билигин күҥҥэ 1,5-2 тыһыынча сайаапка киирэр. Онон бааннар үлэлэрин тэтимирдибиттэр. Чуолаан, Федеральнай Нолуок сулууспата блокчейн технологиятын киллэрбит, онон кирэдьиити атын да баантан ылар кыахтаммыттар. Маны сэргэ биисинэскэ быһа төлөөһүн оҥоһуллуохтаах. 80 млрд солкуобай дьаҥ кэмигэр эмсэҕэлээбит дьоҕус уонна орто биииснэс тэрилтэлэригэр грант быһыытынан бэриллиэ. Граннары ыам ыйыгар уонна бэс ыйыгар биэриэхтэрэ.

Женни СТРЮКОВА, “Саха сирэ” хаһыат
Хаартыска: интэриниэттэн

ote>

0
0
Telegram @edersaas20

Добавить комментарий