Сүөһүттэн өлгөм үүтү, эмис эти ылыы кини хаачыстыбатыттан, ол эбэтэр боруодатыттан тутулуктаах. Ити иһин, өрөспүүбүлүкэ салалтата племенной-селекциялыыр үлэҕэ улахан болҕомтотун уурар.
Бу үлэни тэрийэн ыытыыга эппиэттээх «Сахаплемхолбоһук» ААУо иһинэн искусственнай сиэмэлээһин 58 пууна баар, 387 техник-осеменатор үлэлиир. Ааспыт 2017 сыллаах үлэ түмүгэ саҥа таһаарылынна. Ол быһыытынан былырыын өрөспүүбүлүкэ үрдүнэн баар 74 тыһ. 609 ынахтан искусственнай сиэмэлээһининэн 30 тыһ. 556 ынах хабыллыбыт. Бу 2016 с. көрдөрүүттэн 10,9 %-ынан үрдүк. Ордук үчүгэй түмүгү Дьокуускай к, Хаҥалас уонна Чурапчы улууһа ситиспиттэр, былааннарын аһара толорбуттар. Быйыл көрдөрүүнү түһэрбэт, өссө тупсарар сорук турар.
Раиса Сибирякова, “Саха сирэ”, edersaas.ru