2021 cылга Саха сиригэр 297 тулаайах оҕо кыбартыыраҕа тиксибит. Манна анаан 888 мөл.солк, онтон 722 мөл.солк. өрөспүүбүлүкэ бүддьүөтүттэн, 165 мөл.солк. федеральнай бүддьүөттэн үбүлэммит.
2022 cылга бу сорукка туһуланар үп-харчы эбиллэн биэрдэ. Ол курдук өрөспүүбүлүкэ бүддьүөтүттэн 1.3 млрд солк, онтон 1,1 млрд.солк өрөспүүблүкэ бүддьүөтүттэн, 203 мөл.солк. федеральнай бүддьүөттэн көрүллүөҕэ. Оччотугар 399 тулаайах оҕо кыбартыыраланар.
Ил Дархан Айсен Николаев көҕүлээһининэн өрөспүүбүлүкэ парламенын бастакы ааҕыытыгар көннөрүүлэр киирдилэр, ол курдук тулаайах оҕолор уонна төрөппүтүн көрүүтэ-истиитэ суох хаалбыт оҕолорго дьиэ ылар сэртипикээти туттарыы туһунан. Маннык сэртипикээти тулаайах оҕолор уонна 23 саастарын туолбут төрөппүтүн көрүүтүгэр сылдьыбатах оҕолор тиксиэхтэрэ. Сэртипикээт дьиэни өлүүлэһэн тутууга эбэтэр кыбартыыра атыылаһарга көрүллэр. Бүгүҥҥү күҥҥэ маннык испииһэккэ сокуон быһыытынан уочаракка 2 259 киһи турар. Балартан 672 оҕо номнуо 23 cаастарын туолбуттар.
Саҥа ньыма тулаайах оҕолор бэйэлэрэ эбии кирэдьииккэ киирэн улахан иэннээх дьиэни атыылаһалларыгар кыах биэриэҕэ, ону сэргэ, манна ийэ хапытаала эмиэ туһаныллыан сөп.
Төлөбүр тутааччы эбэтэр атыылааччы счетугар түһэр. Социальнай төлөбүр кээмэйэ олорор дьиэ 33 кв.м иэниттэн учуоттанар.
Ульяна ЗАХАРОВА, edersaas.ru