Өссө аҕыйах эрэ сыл анараа өттүгэр Кытайга оҥоһуллубут смартфоннары соччото суохтарынан, хаачыстыбалара мөлтөҕүнэн ааҕарбыт. Арай чэпчэки сыаналаахтар эрэ диэн ыларбыт.
Бу сылга барыта уларыйбыт – аан дойдутааҕы рейтиҥҥэ кинилэр уон иһигэр киирсэннэр, сэттис миэстэҕэ тураллар.
Арассыыйаҕа өр кэмҥэ наһаа элбэҕэ суох Кытай бреннэрэ атыыламмыттара. Сүрүннээн ырыынакка Xiaomi, Huawei уонна Honor бааллара. Быйыл арҕаа дойдулартан смартфоннар киириилэрэ тохтообутун кэннэ, маҕаһыыннарга Кытайтан өссө атын бреннэр баар буолбуттар.
Кытай смартфоннара атын оҥорон таһаарааччылартан туох уратылаахтарый?
Биэс эрэ сыллааҕыта Кытай смартфоннарын биллиилээх бреннэр чэпчэки уонна альтернативнай барыйааннарынан ааттыырбыт. Дьон-сэргэ Xiaomi уонна Huawei талаллар этэ, тоҕо диэтэххэ, кинилэр сыаналара 20-30 %-нан Samsung уонна Apple аналогтарыттан намыһах этэ. Ол да буоллар, хаачыстыба өттүнэн, биллэн турар, быдан мөлтөх.
Оттон билигин аныгы оҥоһууларга кыһалҕалар суохтарын кэриэтэ. Кытай смартфоннарыгар аны Mediatek Тайвань хампаанньатын процессордарын туһанар буолбуттар. Хаамыралара эмиэ тупсубуттар. Ол курдук, Xiaomi 13 смартфон Leica тэрилтэттэн хас да хаамыра набуордаах тахсар буолбут.
Кытай смартфоннарын атын бөдөҥ аан дойдутааҕы бреннэриттэн сүрүн уратытынан — кинилэр локальнай уонна глобальнай прошивкалаах тахсаллара буолар. Болҕойуҥ, ыччат ханнык смартфоннары ордорорун сырдатабыт уонна сыаналарын ыйабыт.
ТОП – 5 чэпчэки уонна хаачыстыбалаах смартфоннар
1. Vivo Y16
4 Гб, хаамырата: 13 + 2 Мп.
Аккумулятор: 5000 мА*ч
Сыаната: 8999 солк.
2. Tecno Camon 19 Neo
6 Гб, хаамырата: 48 + 2 + 0, 8 Мп.
Сыаната: 11 999 солк.
3. OPPO A17
Процессор: MediaTek Helio G35, 4 Гб ОЗУ,
Хаамырата: 50+2 Мп
Сыаната: 8989 солк.
4. Realme C33
4 Гб ОЗУ, хаамырата: 50 Мп
Процессор: Unisoc
Сыаната: 7999 солк.
5. Poco C40
Хаамырата: 13+2 Мп
Аккумулятор: 6000 мА*ч.
Сыаната: 6499 солк.
Быйыл арҕаа дойдулартан смартфоннар киириилэрэ тохтообутун кэннэ, маҕаһыыннарга Кытайтан өссө атын бреннэр баар буолбуттар.